Rama lan Sita- Lelabuhane Jathayu

-


Judul Buku : Rama lan Sita
Penulis: Drs. H. Sutadi lan Dr. RMA Sudi Yatmana
Pengecap: CV. Cendrawasih
Kekandelan Buku :45 halaman

Lelabuhane Jathayu

Rajaning manuk kuwi jenenge Jathayu. Dheweke dadi mitra kenthele Raja Dasatra Mula, bareng weruh anake mitrane dicidra dening Rawana, Jathayu enggal tumandang mitulungi. Kreta kencana ditrrajang bae, Sita direbut. Nanging Rawana nggenggengi orra nguwalake Dedreg uddreg udregan, silih ungkih, rebutan Sita ana ing dening Rawana. Swiwi kiwa sengkleh tugel, isih megap megap ditendhang, kumleyang ing awang awang, tiba ing lemah kejet kejet klebekan. Laju lakuning kretane Rawana nggondhol Sita. Sita kelaran, awake longkrah ora karu karuwan diceneng ceneng kanggo rebutan. Bisane mung nangis melas asih, ngrerintih sedhih. Kewan kewan alas wit witan thethukululan lan sesuketan bae melu welas sedhih. Gunung gunung meneng mbisu susah. Angin ora lumaku. Angkasa timbreng nglemeng nggameng kesaput mega mendhung. Tumeka ing nagara Alengka, Sita dipameri kaendhaning kraton, barang barang lan prabot kang sakaliwat edi peni, mawarna warna rerenggan, lan mas inten barleyan. Rawana nyoba ngari ari serta ngelipur Sita, nanging Sita carita yen tansah eling lan tansah setya marang Rama. Krungu mangkono iku Dasamuka muntab nesune, mratelakake manawa Sita ora teluk arep dienteki. Rawana saya jengkel banjur mrentahake supaya Sita dijaga dening raseksi raseksi sing galak galak lan ndrawasi.

Rama nesu banget. jagad sak isine arep di jungkir walik. Angkasa arrep di kebaki panah. Angin arep disigeg. Srengengene arep dicandet, sorote arep kasirnakake. Kali, tlaga tlaga, sagara, lan samodra, apadene sawarnaning banyu arep kaasatake. Tetanduran, tetuwuhan, lan wit witan arep dibedholi, dirungkadake. Manawa Sita ora kabalekake, para dewa ing kayangan arep disampurnakake. Ing tengahing laku ana sing aweh pamrayoga supaya Rama lan Lesmana minta sraya marang rajaning wanara. Iku kaduga bakal bisa mbengkas karya ngluwari Sita saka kasangsarane.  

Komentar

Posting Komentar

Postingan populer dari blog ini

Panjebar Semangat- Pandhu Sraya

-
Gambar
Judul : Pandhu Sraya Penulis : Budi Susanto Tanggal Diterbitake : 4-28 Januari 2012 Kekandelan Buku Kasebut : 54 halaman Ing wengi kang sonya sepi, Raden Pandhu pasang tumbal ana bumi kang lagi ketaman pageblug. Sawise pinasangan tumbal, suwasana dadi malik grembyang. Sakala akeh para lelembut kang padha sambat ngaguara. Keprungu suwara pating brengok, suwarane lelembut kang wus kena dayane tumbal. Tan pantara suwe suwara iki musna. Ateges para lelembut kang ora kuwat ngrasakake lara padha sumingkir adoh saka desa kono. Salungane para lelembut, kawula kang nandhang lara temah bisa waluya, bagas waras kaya wingi uni. Dene sing kebacut tiwas ora bisa urip maneh, kepeksa dadi kurban dumadine pageblug.  Kocap, Raden Pandhu kang lagi lelenggahan kalawan ingkang paman Prabu Dasabahu, den rubung dening panakawan catur. Lega penggalihe dene para lelembut wus lunga saka papan kono. Para kang nandhang lara bisa waluya jati. Nanging datan ngerti sangkanig bilahi an...
Baca selengkapnya

Panjebar Semangat- Abu Nawas lan Wong ngemis kang kathuken

-
Gambar
Judul Buku: Panjebar Semangat Judul Cerkak : Abu Nawas lan Wong ngemis kang kathukan pengecap : majalah panjebar semangat Edisi : 36 Ana sawijining juragan ing kutha baghdad kang kondhang sugih mbrewuh. Omahe gedhong magrong magrong kendaraane akeh nganthi puluhan. Ing samburine omahe uga ana padusaning kang banyune mening menig, nanging atis banget ora ana siji wae wong kang kuwat kungkum ing padusan iki nganthi suwe, apamaneh ing wayah bengi. Lan saka kuwi mau si juragan nganakake sayembara.  "Sing sapa wani kuungkum ing kolamku wayah bengi bakal ndak wenehi hadhiah dhuwit sepuluh ringgit," mangkono kandhane si juragan kuwi. Wara wara iki akeh mencutake wong kang padha pengen nyoba, apamaneh bebanane kang cukup gedhe. Ing sawijining dina ana wong ngemis kang njejaluk ing omahe juragan mau. Sandhang panganggone rowak rawek, awake kuru akiing sajak kurang manggan, lan praupane melas banget. senajan mangkono pranyata ora diwenehi babar pisan dening ...
Baca selengkapnya